აჭარა ჯგუფმა კულინარიაში სრულიად ახალ ტენდენციებს ჩაუყარა საფუძველი და ქვეყნის გასტრონომიულ კულტურაში მნიშვნელოვანი ცვლილებები შეიტანა. ცოცხალი, ადგილობრივი პროდუქტებისგან დამზადებული კერძები კომპანიის სამარკო ნიშანია, როგორც თანამედროვე ქართულ, ისე კლასიკურ ფრანგულ სამზარეულოში. ყველა რესტორანსა და ბარს საფუძვლად უდევს კომპანიის ფილოსოფია „ფერმიდან მაგიდაზე“ და მათი მენიუები სეზონურად ახლდება. „სტამბაში“ მდებარე შოკოლატერია ფუნქციონირებს კონცეფციის „მარცვლიდან ფილამდე“  შესაბამისად, რომელიც ასევე გულისხმობს მხოლოდ სეზონური და ნატურალური ინგრედიენტების გამოყენებას.

„შიო რამენი“ რამენის პირველი რესტორანი იყო თბილისში, რომელიც სტუმრებს აზიური კერძების ნაირსახეობებს სთავაზობდა. კაფე „სტამბამ“ ახალი სული შთაბერა ქართულ სამზარეულოს და ტრადიციული კერძების ნოვატორულ ვარიაცებს გვაწვდის. The Kitchen-ის ევროპული მენიუ ფრანგულ გავლენებს ეფუძნება, მაშინ როცა „ლოლიტა“ იტალიურისა და ახალი ამერიკული სამზარეულოების ნაზავს გვთავაზობს. აჭარა ჯგუფის რესტორნები და ბარები გვიყვებიან ამბავს, გვაცნობენ ნამდვილ ქართულ გემოებსა და წარმოგვიდგენენ საერთაშორისო კერძების სინთეზს ტრადიციულთან.

მისამართი / კოსტავას 14, თბილისი, 0108

ტელეფონი / (+995) 322 02 11 99

ელფოსტი / cafe@stambahotel.com

ვებსაიტი

Cafe Stamba

ქართული კულინარიული მემკვიდრეობის ზეიმი — კაფე „სტამბა“ ქვეყნის კლასიკური კერძების ავანგარდულ ვერსიებს გვთავაზობს. ადგილობრივი გემოების ფართო სპექტრი ეფუძნება კომპანიის კონცეფციას „ფერმიდან მაგიდაზე,“ რომელიც ქართველი ფერმერებისგან ცოცხალი პროდუქტებისა და ინგრედიენტების მიღებას გულისხმობს, ღია სამზარეულო კი სტუმრებს კაფეში შემობიჯებისთანავე ამაღლებულ განწყობას უქმნის.

Pink Bar

ბარის კოქტეილ-მენიუში შეხვდებით ცოცხალ, სეზონურ, ადგილობრივი ინგრედიენტებით დამზადებულ კოქტეილებს. ამასთან ერთად, სტუმრებს საშუალება აქვთ დააგემოვნონ ექსკლუზიური ლუდის ნაირსახეობები და ადგილობრივი თუ საერთაშორისო სასმელების ვრცელი სელექცია. 

შოკოლატერია

სტამბაში მდებარე შოკოლატერია „მარცვლიდან ფილამდე” ფილოსოფიას ეფუძნება და სტუმრებს მხოლოდ ჯანსაღ, ბუნებრივ პროდუქტებს სთავაზობს. უმაღლესი ხარისხის ყავისა და კაკაოს მარცვლები სამხრეთ ამერიკაში, აფრიკასა და ევროპაში ეთიკის წესების დაცვითაა მოპოვებული. შემოთავაზებული პროდუქცია სეზონურად, თვიდან თვემდე იცვლება და მორგებულია ქართულ გემოებზე. სტუმრებს საშუალება აქვთ მიირთვან ადგილზე მოხალული ყავა, აქვე დამზადებული შოკოლადი და საფირმო წვენები, ჯანსაღი ცხოვრების მოყვარულებში კი დიდი პოპულარობით სარგებლობს ჯინჯერისა და სპირულინას სასმელები.

Shio Ramen

ფაბრიკის „შიო რამენის“ წარმატებამ აჭარა ჯგუფს კიდევ ერთი რამენის რესტრონის გახსნისკენ უბიძგა და ამჯერად კაფე სტამბაში დაიდო ბინა. „შიო რამენის“ მენიუ აზიური კერძებითაა შედგენილი, საგანგებო აქცენტით ადგილობრივად წარმოებულ ატრიასა და ბულიონებზე. ღია სამზარეულო, მეტალის თაროები და წითელი ტყავის სკამები იდეალურ სინთეზშია სასტუმრო „სტამბას“ ესთეტიკასთან. 

მისამართი / კოსტავას 14, თბილისი, 0108

ტელეფონი / (+995) 322 02 00 22

ელფოსტა / tbilisi@roomshotels.com

ვებსაიტი

The Kitchen

თბილისის „რუმსში“ განთავსებული რესტორანი სასტუმროს უნიკალური ესთეტიკის ბრწყინვალე ნიმუშია. უახლესი სამზარეულო ტექნიკით გაწყობილი ღია სამზარეულო მოდურ სასადილო ოთახშივეა განთავსებული. ინტერიერს ასევე აშვენებს ინდუსტრიული სტილის მაგიდები, ვინტაჟური ტყავის დასაჯდომები და საგამომცემლო სახლის პერიოდის ფიცრის იატაკი. 

The Kitchen გვთავაზობს ადგილობრივად მოპოვებული ინგრედიენტებისგან დამზადებულ დახვეწილ, კლასიკურ ევროპულ კერძებს. საგანგებოდ შერჩეული ღვინის მენიუ ადილობრივ, ორგანულ ღვინოებს წარმოგვიდგენს და აქცენტს ქართულ ტრადიციულ ქვევრში დაძველების მეთოდზე აკეთებს.

Bar Room

ორი დახელოვნებული მიქსოლოგის ადგილსამყოფელი — Bar Room კლასიკურ ნიუიორკულ კოქტეილ ბარს მოგაგონებთ. სახელდახელოდ  მომზადებულ კოქტეილებსა და საუცხოო მსუბუქ წასახემსებლებს ელეგანტურ გარემოში მოგართმევენ, რაც ამყარებს Bar Room-ის, როგორც წვეულებისთვის ერთ-ერთი საუკეთესო ადგილის პოზიციებს.

Garden Bar

უნივერსალური მოსასვენებელი ქალაქში — Garden Bar აცოცხლებს Rooms Hotel Tbilisi-ს შიდა ეზოს. ბარის დიზაინი შექმნილია, როგორც ცოცხალი სათბური, რომლის კედლებსა და სახურავსაც მცოცავი გამწვანება ფარავს, ხოლო გარემოსთან თანხვედრით, კოქტეილები ცოცხალ მცენარეებსა და ბოტანიკურ ინგრედიენტებს შეიცავს.

მისამართი / ყაზბეგი, საქართველო

ტელეფონი / (+995) 322 71 00 99

ელფოსტა / kazbegi@roomshotels.com

ვებსაიტი

რესტორანი

ყაზბეგის „რუმსში“ საქართველოს კულინარიულ ტრადიციებს და ახლომდებარე სოფლებში, ტყეებსა თუ მდინარეებში მოპოვებულ ნატურალურ პროდუქციას ცენტრალური ადგილი უკავია. რესტორნის ესთეტიკა მარტივია — ხითა და აგურით ნაშენი კედლები, ძველებური სოფლის სახლის ავეჯითა და საერთო მაგიდებით გაწყობილი სივრცე, რაც ტიპური ქართული ერთობისა და სტუმართმოყვარეობის დამახასიათებელი ნიშანია. მენიუ იმეორებს კლასიკური ქართული სამზარეულოს ტრადიციებს. მისი კერძები ადგილობრივი, სეზონური პროდუქციის ნამდვილი ზეიმია, რომელსაც სასმელების ფართო ასორტიმენტი აგვირგვინებს.

ბარი 

ყაზბეგის „რუმსის“ ბარი და ლაუნჯი უნიკალურ შინაურულ გარემოს ჰქმნის მოსასვენებლად და ტრადიციული ყაზბეგური სტუმარმასპინძლობის შესაგრძნობად ულტრათანამედროვე McIntosh-ის საუნდსისტემის ფონზე. ადგილობრივ და საერთაშორისო ღვინისა და სასმელების კოლექციასთან ერთად ბარს ნარჩევი სიგარების მენიუც აქვს, რომელიც სხვადასხვა სიძველისა და ხელით დახვეული სიგარების კოლექციისგან შედგება.

მისამართი / ჭოველიძის ქ. 7, თბილისი, 0108

ტელეფონი / (+995) 322 02 02 99

ელფოსტა / lolita@roomshotels.com

ვებსაიტი

Lolita

თბილისის „რუმსის“ მოპირდაპირედ, მე-19 საუკუნის ისტორიულ შენობაში განთავსებული „ლოლიტა“ ქალაქში თანამედროვე საერთაშორისო სამზარეულოს ცენტრალური მოვლენაა. იტალიური და ახალი ამერიკული გასტრონომიით შთაგონებული მენიუ გვთავაზობს ახლად გამოწურული პროდუქტებისა და ადგილობრივი ინგრედიენტებისგან სახელდახელოდ დამზადებულ კოქტეილებს. ღია ცის ქვეშ დასაჯდომი ქალაქური სივრცე ჰქმნის უნიკალურ სოციალურ ჰაბს. მყუდრო და კეთილგანწყობილი ინტერიერი ზამთრის ცივი დღეებისგან თავის შეფარების შესაძლებლობაცაა.

მისამართი / ნინოშვილის ქ. 8, თბილისი, 0102

ტელეფონი / (+995) 577 31 32 70

ელფოსტა / info@fabrikatbilisi.com

ვებსაიტი

რესტორანი „ფაბრიკა“

„ფაბრიკა“ ჰოსტელის რესტორანი სტუმრებს საერთაშორისო კერძებს სთავაზობს, აქცენტით ახალ ამერიკულ სამზარეულოზე. გასტრონომიული მრავალფეროვნება და მეგობრული, მიმზიდველი გარემო ყველა ტიპის მოგზაურისთვის უნიკალური სოციალური გამოცდილებაა.

ბარი Cocktails & Dreams

დედაქალაქის ერთ-ერთი ყველაზე პოპულარული შეკრების ადგილი — Cocktails & Dreams ბარი ჰოსტელ „ფაბრიკას“ ხასიათსა და ადგილობრივ გემოებზე მორგებულ სასმელებს აერთიანებს. ძველებული სავარძლები, ფერადი ჰამაკები და ნეონის განათება დინამიკურ და ახალგაზრდულ ენერგიას ასხივებს. 

მისამართი / ნინოშვილის ქ. 8, თბილისი, 0102

ტელეფონი / (+995) 577 31 32 70

ელფოსტა / shio@adjaragroup.com

Shio Ramen

„შიო რამენი“ რამენის პირველი რესტორანია საქართველოში, რომელსაც „ფაბრიკის“ ეზოს გასტრონომიულ პალიტრაში აღმოსავლური შტრიხები შეაქვს. შიო გვთავაზობს კერძებს დგილზე მომზადებული ატრიის და რამენის ბაზაზე, რომლის ინგრედიენტებიც მოპოვებულია ადგილობრივად ან ჩამოტანილია იაპონიიდან. 

 

მისამართი / ნინოშვილის ქ. 8, თბილისი, 0102

ტელეფონი / (+995) 577 30 33 22

ელფოსტა / milk@milkcoffeeshop.com

Milk

Milk მყუდრო ადგილია, რომელიც „ფაბრიკის“ სტუმრებს ახლად მოხალულ ყავას, ნაყინს, სახლში მომზადებულ დესერტებსა და ადგილობრივი გემოების სმუზებს სთავაზობს. მისი მინიმალისტური დიზაინი კარგად ჯდება „ფაბრიკის“ ეკლექტური შიდა ეზოს ესთეტიკაში. აქვე შესაძლებელია სასტუმრო „სტამბას“ შოკოლატერიაში დამზადებული შოკოლადის ფილებისა და ტრიუფელის ყიდვაც. 

მისამართი / 1, 26 მაისის მოედანი, თბილისი, 0171 GE

ტელეფონი / (+995) 322 30 00 99

ელ.ფოსტა / info@hi-tbilisi.com

რესტორანი „აჭარა“ Holiday Inn™ Tbilisi

სიმწვანე და მანდარინის ხეები რესტორან „აჭარის“ ინტერიერს ამშვენებს, რომელიც „ფერმიდან მაგიდაზე“ კონცეფციით საუკეთესო ქართულ პროდუქციას გვთავაზობს და როგორც ქართული, ისე საერთაშორისო კერძებით გვიმასპინძლდება. აჭარა ჯგუფის აღმასრულებელი შეფმზარეული ირაკლი ასათიანი დაწესებულების გასტრონომიულ სრულყოფილებას უზრუნველყოფს და დაუღალავად მუშაობს ცოცხალი და ნატურალური ინგრედიენტებისგან კერძების შესაქმნელად.

ლაუნჯ ბარი

ბიზნეს შეხვედრებისთვის და დროის სიმშვიდეში გასატარებლად იდეალურია Holiday Inn-ის ლაუნჯ ბარი. ქართული ღვინოების უნიკალურ და ექსკლუზიურ კოლექციას ბარის შემოთავაზებებში ცენტრალური ადგილი უკავია. IHG-ს სტანდარტების შესაბამისი მენიუ ადგილობრივი ინგრედიენტებით მომზადებულ საერთაშორისო კერძებსა და სასმელებსაც გვთავაზობს.

აუზის ბარი

აუზის ბარი დატვირთული დღისგან სასიამოვნო თავშესაფარა. ღია ცის ქვეშ განთავსებულ ხის ბანზე სტუმრებს სეზონური ინგრედიენტებისგან დამზადებული ცოცხალი კოქტეილებით უმასპინძლდებიან, ისინი კი ისვენებენ და თბილისური ზაფხულითა თუ სოციალიზაციით ტკბებიან.