Rooms Hotels™

თბილისი / ყაზბეგი / კოხტა

Rooms Hotels საქართველოში შექმნილი ახალგაზრდა და დამოუკიდებელი „ცხოვრების სტილის“ ბრენდია, რომელმაც რეგიონის რჩეულ სასტუმროებს შორის გამოკვეთილი ლიდერის პოზიცია დაიკავა. ბრენდის გარშემო უკვე ჩამოყალიბდა ადგილობრივი თაყვანისმცემლების ჯგუფი და გაჩნდა მჭიდრო კავშირები საერთაშორისო ბიზნესსა თუ მოგზაურებს შორის.

Stamba™ Hotel

სასტუმრო „სტამბა“ აჭარა ჯგუფის ძვირფასი შენაძენია. ის ცალკე შენობას იკავებს ყოფილი საგამომცემლო სახლის იმავე კომპლექსში, რომელშიც სასტუმრო Rooms Hotel Tbilisi-ია განთავსებული. „სტამბას“ კონცეფცია წარმატებულად აგრძელებს „რუმსის“ ფილოსოფიას, რომელიც ურბანულ კონსერვაციასა და დიზაინში ადგილობრივი კულტურის წინ წამოწევას გულისხმობს.

Fabrika™ Hostel

„ფაბრიკა“ ყოფილი საბჭოთა სამკერვალო ქარხანაა, რომელიც ჯგუფმა დიზაინზე ორიენტირებულ, მულტიფუნქციურ სივრცედ გადააკეთა და რეგიონში ერთ-ერთ უდიდეს ჰოსტელად აქცია. პროექტი განხორციელდა თბილისში მცხოვრები დინამიკური არქიტექტორების გაერთიანება Multiverse Architecture-თან (MUA) თანამშრომლობით.

Holiday Inn™ Tbilisi

2010 წელს კომპანიამ სტუმარმასპინძლობის ადგილობრივ ბაზარზე Holiday Inn-ის ფრანშიზას წარდგენით შემოაბიჯა, დროთა განმავლობაში კი ამ საერთაშორისო ბრენდის დიზაინერული და კონცეპტუალური საზღვრები წარმატებით გააფართოვა. 1970-იანებში აშენებული ყოფილი სასტუმრო „აჭარა“  ახალი, თანამედროვე დაწესებულება გახდა, თუმცა შენობის თავდაპირველი სტრუქტურა ფაქტობრივად უცვლელად შენარჩუნდა.